ऊर्जा खबर
काठमाडौं । सुपरमाई हाइड्रो पावर लिमिटेडको सेयर नेपाल स्टक एक्सचेन्ज (नेप्से) मा सुचीकृत भएको छ । कम्पनीको सय रुपैयाँ अंकित ५० लाख कित्ता सेयर सुचीकृत भएको हो ।
कम्पनीका अनुसार प्रभावित क्षेत्रका स्थानीय बासिन्दाका लागि १० प्रतिशत अर्थात ५ लाख कित्ता, वैदेशिक रोजगारीमा गएका नेपाली नागरिक, सामूहिक लगानी कोष र कम्पनीका कर्मचारकिो लागि १० प्रतिशत अर्थात ५ लाख कित्ता सेयर र कम्पनीका संस्थापक सेयरधनीहरुले लगानी गरेको ८० प्रतिशत अर्थात ४० लाख कित्ता सेयर गरी जम्मा ५० लाख कित्ता सेयर सुचीकृत भएको हो ।
कम्पनीले रजिष्टर सम्बन्धी कार्य गर्नको निमित्त सेयर रजिष्टरको रुपमा सानिमा क्यापिटल लिमिटेडलाई चयन गरेको छ । कम्पनीको इलाममा ७.८ मेगावाटको सुपर माई जलविद्युत आयोजना सञ्चालनमा छ ।
