ऊर्जा खबर
काठमाडौँ । हिमाल दोलखा हाइड्रोपावर लिमिटेडले दुई आर्थिक वर्षको वार्षिक साधारणसभा यही चैत २९ गते गर्ने भएको छ । कम्पनीको सञ्चालक समितिले गत ८ गते बसेको बैठकमा सुकेधारास्थित सेलिबे्रशन हाइटमा बिहान ११ बजे साधारणसभा गर्ने निर्णय गरेको हो ।
सभाले अघिल्ला दुई आर्थिक वर्षको वार्षिक प्रतिवेदन सहितका वित्तीय विवरण पारित गर्नेछ । साथै चालु आर्थिक वर्षका लागि लेखापरीक्षक नियुक्ति तथा पारिश्रमिक निर्धारण, स्वतन्त्र सञ्चालकको नियुक्ति अनुमोदन र सञ्चालक समितिको बैठक भत्ताका विषयमा छलफल हुने तय भएको छ । कम्पनीले यस वर्ष पनि लाभांश प्रस्ताव नगरेको जानकारी गराएको छ ।
कम्पनीले साधारणसभा प्रयोजनका लागि चैत १८ गते एक दिन बुक क्लोज गर्ने र त्यस आधारमा चैत १५ गतेसम्म कायम सेयरधनी मात्र सभामा भाग लिन योग्य हुनेछन् ।
कम्पनीले इलामको इलाम नगरपालिकामा ४.५ मेगावाटको माई खोला जलविद्युत् आयोजना र माई नगरपालिकामा ८ मेगावाटको माई साना जलविद्युत् आयोजना सञ्चालन गरिरहेको छ ।
