ऊर्जा खबर
काठमाडौं । अन्नपुर्ण गाउँपालिकामा ५ मेगावाटको घलेम्दी खोला जलविद्युत आयोजना निर्माण गरी सञ्चालनमा ल्याएको घलेम्दी हाइड्रो लिमिटेडले आफ्ना सेयरधनी सदस्यलाई १ः२ को अनुपातमा हकप्रद सेयर निष्कासन गर्ने भएको छ । सञ्चालक समितिको पुस ८ गते बसेको बैठकले सेयरधनी सदस्यलाई हकप्रद सेयर निष्कासन गर्ने निर्णय गरेको हो ।
कम्पनीले सांग्रिला उर्जा प्रा.लि.द्वारा प्रवर्द्धित संखुवासभामा रहेको छुजुङ्ग खोला जलविद्युत आयेजनामा कम्तिमा ५१ प्रतिशत शेयर कायम हुनेगरी लगानी गर्न १ बराबर २ अनुपातमा हकप्रद शेयर निष्काशन गर्न लागेको हो। यसै विषयमा पुस ८ गते बसेको सञ्चालक समितिको बैठकमा कम्पनीको कम्तीमा पनि ५१ प्रतिशत सेयर कायम हुने गरी हकप्रद सेयर निष्कासन अनुमतिका लागि विद्युत नियमन आयोगमा आवेदन दिने भएको हो ।
नियमन आयोबाट स्वीकृत भएपश्चात आगामी साधारण सभाबाट पास गराई नेपाल धितोपत्र वोर्डले स्विकृत दिएपछि मात्र प्रस्तावित हकप्रद सेयर निष्कासन हुनेछ ।
.jpg)
