ऊर्जा खबर
काठमाडौं । मनाकामना केबलकार सेवा आज (सोमबार) बाट बन्द भएको छ । केबलकारमा विद्युत आपूर्तिले गर्दा समस्या आएपछि अनिश्चित समयका लागि बन्द भएकाे हाे ।
आपूर्तिमा समस्या कारण केबलकारमा प्राविधिक समस्या देखिए पछि बन्द गरिएकाे केबलबार दर्शन प्रालिले जनाएकाे छ । केबलकारको प्यानलका फ्युजहरु जलेको छ र यस्को मर्मत संभारको लागि समय लाग्नेछ ।
आइतबार साँझ ५ बजे विद्युत लोडसेडिङ हुँदा केबलकारको प्यानलमा फ्युजहरु जलेका छन्, प्यानलबाट नै समस्या आएको हो, कति क्षति भएको भन्ने अहिले नै आँकलन भएको छैन, प्राविधिक आएपछि मात्रै कति क्षति भएको भनेर एकिन क्षति निकाल्न सकिने प्रालिले जनाएकाे छ ।
यस्को निर्माण वा मर्मत संभार गरेर सञ्चालनमा ल्याउन ३/४ दिन समय लाग्ने सक्ने प्रालिले जनाकारी दिएको छ । केबलकार मर्मतका लागि निर्माता कम्पनी अष्ट्रियाको डोपलमायरकै प्राविधिक आउनुपर्ने कम्पनीले जनाएको छ ।
