सेयर सदस्यलाई ८.९५ बोनस सेयर र नगद लाभांश वितरण गर्दै युनिभर्सल पावर

काठमाडौं । युनिभर्सल पावर कम्पनी लिमिटेडले आफ्ना सेयरधनी सदस्यका लागि ८.९५ बोनस सेयर र नगद लाभांश वितरण गर्ने निर्णय गरेको छ । सञ्चालक समितिको पुस ८ गते बसेको बैठकले सेयरधनी सदस्यका लागि बोनस सेयर र नगद लाभांश दिने निर्णय गरेको हो । 

आर्थिक वर्ष २०७९/८० को चुक्ता पुँजीको ८.५५ प्रतिशत बोनस सेयर र ०.४५ प्रतिशत नगद लाभांश दिने निर्णय गरेको कम्पनीले जनाएको छ । साथै, आर्थिक वर्ष २०८०/८१ को लागि लेखापरिक्षक नियुक्त गरी पारिश्रमिक समेत निर्धारण गर्ने जनाइएको छ । 

कम्पनीले प्रस्ताव पारित गर्न पुस २९ गतेका लागि साधारण सभा आह्वान गरेको छ । सभाबाट प्रस्ताव पारित भए लगत्तै सेयरधनी सदस्यका लागि बोनस सेयर र लाभांश वितरण गर्नेछ । कम्पनीले दोलखाको गौरीशंकर गाउँपालिकामा ११ मेगावाटको तल्लो खारे खोला जलविद्युत् आयोजना निर्माण गरी सञ्चालन गरिरहेको छ ।