ऊर्जा खबर
काठमाडौं । नेपाल विद्युत प्राधिकरणले विभिन्न सेवा समूह तथा उपसमूहमा कार्यरत ८ जना कर्मचारीलाई सहायक प्रबन्धकमा बढुवा गरेको छ । प्राधिकरण बढुवा सिफारिस समितिले सोमबार जेष्ठता, कार्यसम्पादन तथा कार्यक्षमता मूल्याङ्कनका आधारमा ७ तहका ती कर्मचारीलाई सहायक प्रबन्धक (८ तह) मा बढुवा गरेको हो ।
कर्मचारी सेवा विनियमावली, २०६२ (संशोधनसहित) को विनियम ४३ (क) र विनियम ५० मा भएको व्यवस्थाअनुसार कर्मचारीको बढुवा गरी रिक्त स्थानमा पदपूर्ति गरेको प्राधिकरणले जनाएको छ । प्राधिकरणले ८ गतेको निर्णय अनुसार बढुवा गरेको हो ।
जेष्ठता तथा कार्यसम्पादनका आधारमा ४ जना र कार्यक्षमता मुल्याङकनका आधारमा ४ जना कर्मचारीको बढुवा गरेको प्राधिकरणले जनाएको छ । जेष्ठता तथा कार्यसम्पादनका आधारमा गोपाल कुमार ठाकुर, दिपीन ढकाल, जयानन्द झा र रुमेश रुपाखेती रहेको छन् ।
यस्तै, कार्यक्षमता मुल्याङकनका आधारमा सुशील पौडेल, अनिल कुमार अधिकारी, करम हुसेन खान सरिता पन्थीलाई सहायक प्रबन्धकमा बढुवा गरिएको छ ।
प्राधिकरणले यसअघि पनि १५ कर्मचारीलाई निर्देशकमा, ९ कर्मचारीलाई सह–निर्देशकमा , ३ कर्मचारीलाई उप–निर्देशकमा, २० कर्मचारीलाई उप–प्रबन्धकमा, ११ कर्मचारीलाई सहायक निर्देशकमा बढुवा गरिसकेको छ ।
.jpg){kind=spacer}
