दिगो बैंकिङ्गको लागि नबिल बैंकले गर्यो गल्छी गाउँपालिकासँग साझेदारी

काठमाडौं । नबिल बैंकले धादिङ जिल्लाको गल्छी गाउँपालिकासँग बैंकिङ्ग अन्र्तगत उद्यमशीलता विकास र वित्तीय पहुँचको लागि समझदारी गरेको छ । बैकले पालिकामा वित्तीय साक्षरता तथा अभिमुखीकरण कार्यक्रम  गरी समझदारी गरेको हो ।

समझदारीपत्रमा बैंकका तर्फबाट बाग्मती प्रदेश प्रमुख अमित श्रेष्ठ र गाउँपालिकाको तर्फबाट अध्यक्ष कृष्णहरी श्रेष्ठले हस्ताक्षर गरे  । समझदारी अनुसार गाउँपालिकाले स्थानिय स्तरमा सञ्चालन गर्ने विभिन्न उद्यम सम्बन्धि कार्यक्रम/तालिम लिएर उद्यम गर्न चाहने उद्यमीहरुलाई गाउँपालिकाको सिफारीसमा बैंकले उद्यम गर्न बैंकको नियम अनुसार कर्जा उपलब्ध गराउने र त्यस्ता कार्यक्रम/तालिमहरुमा वित्तिय साक्षरता सम्बन्धि अभिमुखीकरण कार्यक्रम समेत संचालन गर्ने उद्देश्य रहेको छ ।

यस सम्झौताले गल्छी गाउँपालिकामा रोजगारी र उद्यमशीलता विकास गरी सामाजिक रुपान्तरणमा सहयोग गर्ने अमित श्रेष्ठले बताए । नबिल बैंकले दिगो बैंकिङ्गले निम्न वर्गीय किसान तथा उद्यमीलाई बलियो बनाउने आशा  रहेको कृष्णहरी श्रेष्ठले बताए । वास्तविक किसान तथा उद्यमी पहिचान गरि बैंकसम्म पुर्याई गााउँपालिकाको विकासमा सहयोग गर्न आग्रह गरे ।

बैंकले गत असार १५ गते धान दिवसको दिन नबिल दिगो बैंकिङको सुरुवात गरेको हो । सयूक्त राष्ट्र संघको दिगो विकासको लक्ष्यलाई सघाउन विपन्न तथा ग्रामिण वर्गलाई लक्षित गरि दिगो बैंकिङ कार्यक्रम सुरु गरेको बैंकले यस कार्यक्रम अन्तर्गत नबिल किसान कर्जा र नबिल उद्ममशिल कर्जा प्रवाह गर्दै आएको छ ।