ऊर्जा खबर
काठमाडौं । भोजपुरमा ५ मेगावाटको पिखुला खोला निर्माण गरी सञ्चालनमा ल्याएको इष्टर्न हाइड्रो पावर लिमिटेडको सेयर बाँडफाँड भएको छ । कम्पनीले आयोजना प्रभावित स्थानीयका लागि गत भदौ ७ गतेदेखि २८ गतेसम्म निष्कासन तथा बिक्री खुल्ला गरेको सेयर बाँडफाँड भएको हो ।
कम्पनीले सय रुपैयाँ अंकित ६ करोड २० लाख रुपैयाँ बराबरको ६ लाख २० हजार कित्ता सेयर निष्कासन गरेको थियो । निष्कासन गरेको सेयरमध्ये ५ लाख ६९ हजार ६९० कित्ताका लागि मात्र आवेदन परेको कम्पनीले जनाएको छ । बाँकी सेयर सर्वसाधारणका लागि निष्कासन गरीनेछ ।
कम्पनीको सेयर ५६ हजार ९ सय ६९ जनाले १० कित्ताका दरले सेयर पाएको बिक्री प्रबन्धक एनएमबी क्यापिटलले जनाएको छ ।
कम्पनीले भोजपुरमा निर्माण सम्पन्न ५ मेगावाटको पिखुवा खोला जलविद्युत आयोजनाले २०७६ जेठ २७ गतेदेखि नियमित विद्युत उत्पादन गरिरहेको छ ।
