ङादी ग्रुपले सगरमाथा जलविद्युत र माई खोलाकाे सेयर किन्ने

काठमाडौं । ङादी ग्रुप पावर कम्पनीले २ जलविद्युत कम्पनीको सेयर खरिद गर्ने भएकाे छ । कम्पनीको आज (मंगलबार) बसेको सञ्चालक समिति बैंठकले सगरमाथा जलविद्युत र माईखोला हाइड्रो पावर कम्पनीको सेयर खरिद गर्न लागेकाे हाे ।

सगरमाथा जलविद्युत कम्पनीले सञ्चालन गरिरहेकाे ९.६० मेगावाटको सुपरमाई ‘ए’ जलविद्युत आयोजनाको ७६.५८ प्रतिशत र माईखोला हाइड्रो पावरले सञ्चालन गरेको ३ मेगावाटको माइखोला क्याकसेडको (१०० सबै )  सेयर खरिद गर्ने निर्णय भएकाे कम्पनीले जनाएको छ ।

सुपरमाई ‘ए’ ले २०७७ जेठ ३२ गतेदेखि र माई क्यासकेडले २०७७ असार ३१ गतेदेखि विद्युत उत्पादन गरिरहेका छन् ।यता, ङादी ग्रुपले असोज ३ गतेका लागि वार्षिक साधारणसभा बोलाएको छ । सभामा २०% बोनस सेयर र कर प्रयोजनका लागि १.०५% नगद लाभांश दिने प्रस्ताव पारित गर्नेछ ।

साथै, बोनस सेयरपछि कायम हुने चुक्ता पुँजीको २०० प्रतिशत हकप्रद सेयर जारी गर्ने प्रस्ताव पनि रहेको छ । कम्पनीको ५ मेगावाटको सिउरी खोला जलविद्युत केन्द्र सञ्चालनमा छ ।