ऊर्जा खबर
काठमाडौं । लिवर्टी इनर्जी कम्पनी लिमिटेडले चुक्ता पूँजीको ५० प्रतिशत हकप्रद सेयर निष्कासन गर्ने भएको छ । कम्पनीले आफ्नो सेयरधनी सदस्यहरूलाई हकप्रद सेयर निष्कासन गर्न लागेको हो ।
कम्पनीले हाल कायम चुक्ता पूँजी १ अर्ब ५० करोड रुपैयाँको ५० प्रतिशत अर्थात ७५ करोड रुपैयाँ रकम बराबरको ७५ लाख कित्ता हकप्रद सेयर निष्कासन गर्न लागेकाे हाे । कम्पनीले हकप्रद सेयर निष्कासन गरी बाँडफाँड गर्न विद्युत नियमन आयोगबाट अनुमति पाइसकेको छ ।
कम्पनीका अनुसार आगामी २५ गते हुने कम्पनीको ११, १२ र १३ औं वार्षिक साधारणसभामा प्रस्ताव गर्ने तयारी भइरहेको छ । साधारणसभाले प्रस्तावा पारित गरेपछि सेयर निष्कासन गरी बाँडफाँड गरिनेछ । कम्पनीको लमजुङमा २५ मेगावाटको माथिल्लो दोर्दी–ए सञ्चालनमा छ ।
.jpg)
