ऊर्जा खबर
काठमाडौं । आइडिएस इनर्जी कम्पनीले विभिन्न प्राविधिक पदमा कर्मचारी मागेको छ । कम्पनीले तेह्रथुममा ५.५ मेगावाटको तल्लो खोरुङ्गा खोला जलविद्युत आयोजनामा खटाउने गरी खटाउने गरी सार्वजनिक सूचना निकालेर ४ जना कर्मचारीको पदपूर्ति गर्ने गरी आवेदन खुलाएको हो ।
कम्पनीले सिभिल इन्जिनियर, सर्भेयर, इलेक्ट्रिकल ओभरसियर र मेकानिकल ओभरसियर पदमा १/१ जना कर्मचारी मागेको छ । सिभिल इन्जिनियरका लागि सिभिल इन्जिनियरिङ विषयमा स्तानक तह उत्तिर्ण गरी जलविद्युत आयोजनाको अध्ययन दक्षता भएको, संरचनागत डिजाइन एवं निर्माण सम्बन्धी २ देखि ३ वर्ष कार्यानुभव भएको हुनुपर्ने योग्यता तोकिएको छ ।
सर्भेयरका लागि आवेदन दिन इन्जिनियरिङ विषयमा बिइ/डिम्लोमा गरी सम्बन्धीत क्षेत्रमा २ वर्ष काम गरेको हुनुपर्नेछ । यस्तै, इलेक्ट्रिकल ओभरसियरका लागि इलेक्ट्रिक विषयमा सिटिइभिटीबाट सम्बन्धीत विषयमा २ वा ४ वर्षको अध्ययन पूरा गरी जलविद्युत आयोजनामा इलेक्ट्रोमेकानिकल उपकरण जडान तथा सञ्चालनको अनुभव भएको हुनुपर्ने योग्यता तोकिएको छ ।
मेकानिकल ओभरसियरका लागि पनि सम्बन्धीत विषयमा सिटिइभिटीबाट २ वा ४ वर्षको अध्ययन पूरा गरी जलविद्युत आयोजनामा हाइड्रोमेकानिकल उपकरण जडान तथा सञ्चालन गर्न सक्ने व्यक्ति योग्य हुने कम्पनीले जनाएको छ ।
योग्यता पुगेका इच्छुक व्यक्तिले आफ्नो वायोडाटा, कार्यानुभवको प्रमाणपत्र र पासपोर्ट साइटको फोटोसहित कम्पनीको इमेल [email protected] मा २०७८ बैशाख २ (१५ अप्रिल) गतेभित्र आवेदन दिनुपर्नेछ ।
