ऊर्जा खबर
काठमाडौं । अप्पर सोलु हाइड्रो इलेक्ट्रिक कम्पनी लिमिटेडमा प्रमुख कार्यकारी अधिकृतका लागि आवेदन खुलेको छ । सोलुखुम्बुमा २३.५ मेगावाटको सोलु खोला जलविद्युत आयोजना निर्माण गरी सञ्चालनमा ल्याएको कम्पनीमा आवेदन खुलेको हो ।
कम्पनीको लागि आवश्यक प्रमुख कार्यकारी अधिकृतको पदपूर्ति खुल्ला प्रतियोगिताद्वारा गर्न आवेदन माग गरिएको कम्पनीले जनाएको छ । कम्पनीका अनुसार कम्तिमा इलेक्ट्रिक/मेकानिकल/सिभिल इन्जिनियरिङ विषयमा स्तातक पास गरेको व्यक्तिले आवेदन दिन सक्नेछन् ।
प्रमुख कार्यकारी अधिकृतका लागि १० मेगावाटभन्दा बढीको जलविद्युत आयोजनामा उच्च पदमा कम्तिमा १२ वर्ष सञ्चालन तथा मर्मत कार्यमा संलग्न भएको, नेपाल सरकारका निकायहरूसाग समन्वय गरी कार्य गरेकाे हुनुपर्नेछ । साथै, कर्मचारी व्यवस्थापन र दैनिक अन्य प्रशासनिक कार्यमा संलग्न भएको हुनुपर्नेछ ।
इच्छुक व्यक्तिले आवेदन दिँदा शैक्षिक योग्यता, अनुभव, सम्पर्क ठेगाना (इमेल, मोबाइल नम्बर, घर ठेगाना) सहितको वैयक्तिक विवरण, नेपाली नागरीकताको प्रमाणपत्र, पासपोर्ट साइजको फोटोसहित बुझाउनुपर्नेछ । आवेदकले पुस २७ गतेसम्म आवेदन दिनसक्नेछन् ।
