सर्वसाधारणले सुपर मादी हाइड्रोको सेयर आवेदन दिने आज अन्तिम दिन

काठमाडौं । सार्वसाधारणले सुपर मादी हाइड्रो पावर लिमिटेडको सेयर आवेदन दिने अन्तिम दिन हो । कम्पनीले माघ ९ गते देखि निष्कासन गरेको सेयर आवेदन अवधि आज साझ ५ बजेबाट सकिन लागेको हो । 

स्थानीय र वैदेशिक रोजगारीमा गएका नेपाली नागरिकका लागि निष्कासन गरी बाँकी रहेको १७ लाख ४३ हजार कित्ता सेयर सर्वसाधारणका लागि निष्कासन गरेको कम्पनीले जनाएको छ । कम्पनीका अनुसार पहिलो चरणमा स्थानीय र वैदेशिक रोजगारीमा गएका नेपाली नागरिकका लागि सेयर निष्कासन गरी बाँडफाँड गरिसकेको छ । दोस्रो चरणमा सर्वसाधारणका लागि छुट्याएको सेयर निष्कासन गरेको हो । 

सर्वसाधारणले न्युनत्तम १० कित्ता देखि अधिकत्तम ५० हजार कित्ता सम्म अवेदन दिन पाउँनेछन् । कम्पनीको सेयर निष्कासन गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक तोकिएको छ । 

कम्पनीले कास्कीमा ४४ मेगावाटको सुपर मादी जलविद्युत आयोजना निर्माण गरिरहेको छ । उक्त आयोजनाबाट २०७९ भदौभित्र उत्पादन सुरु गर्ने लक्ष्य रहेको छ ।