ऊर्जा खबर
काठमाडौं । पिपुल्स हाइड्रो पावर कम्पनीले भदौ ३१ गतेदेखि ३२ लाख कित्ता साधारण सेयर निष्कासन गर्ने भएको छ । कम्पनीले लमजुङमा निर्माणाधीन ५४ मेगावाटको सुपर दोर्दी ‘ख’ जलविद्युत आयोजनाको स्थानीयका लागि छुट्याएको साधारण सेयर जारी गर्न लागेको हो ।
आयोजनाको अति प्रभावित क्षेत्र दोर्दी गाउँपालिकाको वडा नम्बर ६ र ७ का स्थानीयका बासिन्दाहरूका लागि ३० प्रतिशत अर्थात ९ लाख ६० हजार कित्ता र बाँकी जिल्लाभरीका स्थानीयका लागि ७० प्रतिशत अर्थात २२ लाख ४० हजार कित्ता साधारण सेयर निष्कासन गर्न लागिएको कम्पनीले जनाएको छ ।
स्थानीयले न्यूनतम १० कित्तादेखि अधिकतम १ लाख कित्तासम्म आवेदन दिन सक्नेछन् । इच्छुकले छिटोमा असोज १४ गतेसम्म र ढिलोमा असोज ३० गतेसम्म आवेदन दिन सक्ने कम्पनीले जनाएको छ ।
कम्पनीले सेयर निष्कासन गरी बाँडफाँड गर्न सानिमा क्यापिटल लिमिटेडलाई बिक्री प्रबन्धक तोकेको छ । लगानीकर्ताले ग्लोबल आईएमई बैंकको दोर्दी र भोर्लेटार तथा हिलेको एक्टेन्सन काउण्डर, एनएमबी बैंकको भोटेवडा शाखा, सिद्धार्थ बैंकको बेसीशहर शाखा र सिभिल बैंकको भुलभुले शाखाबाट आवेदन दिन सक्नेछन ।
कम्पनीले निर्माण गरिरहेको आयोजनाको काम अन्तिम चरणमा पुगेको छ । ८८ प्रतिशत बढी निर्माण पूरा भएको आयोजनाबाट आगामी माघभित्र उत्पादन सुरु गर्ने लक्ष्य छ ।
.jpg)
.png)
