रावा इनर्जीले पायो ८ लाख कित्ता सेयर निष्कासन अनुमति 

काठमाडौं । रावा इनर्जी डेभलवमेन्ट प्रालीलाई साधारण सेयर निष्कासन गर्न नेपाल धितोपत्र बोर्डले अनुमति दिएको छ । बार्डले सर्वसाधारण र स्थानीयका लागि छुट्याएको सेयर निष्कासन गर्न फागुन २५ गते अनुमति दिएको हो । 

सय रुपैयां अंकित ८ करोड ४० लाख रकम बराबरको ८ लाख ४० हजार कित्ता साधारण सेयर निष्कासन गर्न लागेको कम्पनीले जनाएको छ । कम्पनीको अनुसार पहिलो चरण प्रभावित स्थानीका लागि सेयर निष्कासन गरी दोस्रो चरणमा सर्वसाधारणका लागि निष्कासन गरिनेछ । 

कम्पनीको सेयर निष्कासन गरी बाँडफाँड गर्न प्रभु क्यापिटल लिमिटेडलाई बिक्री प्रबन्धक नियुक्त गरेको छ । कम्पनीको खोटाङमा ३ मेगावाटको रावा खोला जलविद्युत आयोजना सञ्चालन छन भने २.५ मेगावाटको मध्य रावा खोला जलविद्युत आयोजना निर्माणाधीन छन ।