सामलिङ पावर कम्पनीको आईपीओ निष्कासन तत्कालका लागि स्थगित

काठमाडाैं । ईलामकाे माइ खाेलामा ९.५१ मेगावाटकाे माइबेनी जलविद्युत आयाेजना निर्माण गरेकाे उर्जा डेभलपर प्रालिले प्रभावित क्षेत्रका बासिन्दाका लागि निष्कासन गर्ने तयारी गरेकाे साधारणा शेयर (आइपिओ) तत्कालका लागि स्थगित गरेकाे छ । काेराेना महामारी तथा अन्य प्रतिकूल परिस्थितिका कारणा सेयर निष्कासन हाललाई राेकिएकाे हाे । कम्पनीले इलामको माई जोगमाई गाउँपालिकामा निर्माण सम्पन्न माइबेनी आयोजनाबाट प्रभावितका लागि २०७८ साउन २२ गतेदेखि सेयर निष्कासनकाे तयारी गरेकाे थियाे ।

इलाममा कोरोना संक्रमण रोक्नका लागि जिल्ला प्रशासन कार्यालयले जारी गरेको निषेधाज्ञाका कारण अर्को व्यवस्था नभएसम्मका लागि हाललाई राेकिएकाे कम्पनीले जानकारी दिएकाे छ । उल्लेखित विवरणको आइपीओ प्रभावित क्षेत्रका बासिन्दाप्रति लक्षित भएको र आईपीओ निष्काशन तथा बिक्री कार्य सुचारु गर्न स्थानीयस्तरका बैंक तथा वित्तीय संस्थाहरू सञ्चालनमा आउनुपर्ने अवस्था रहेका कारण परिस्थिति सहज भएपछि पुनः सूचना प्रकाशित गरि सेयर जारी गरिने उल्लेख छ ।

कम्पनीले एक सय (१००) रुपैयाँ मूल्य अंकित दरका पाँच लाख (५,००,०००) कित्ता साधारण शेयरमध्ये आयोजना प्रभावित क्षेत्र ईलामभरिका बासिन्दाहरूका लागि ६० प्रतिशत अर्थात् ३ लाख (३,००,०००) र आयोजनाबाट अतिप्रभावित क्षेत्र ईलाम नगरपालिकाका वडा नं ८ र १० तथा माईजोगमाई गाउँपालिकाका वडानं ४ र ५ का लागि ४० प्रतिशत अर्थात् २ लाख (२,००,०००) कित्ता शेयर निष्काशन गर्नलागेको थियो ।