निर्माणाधीन ५५ मेगावाटको लिखु-२ मा स्थानीयवासीको अवरोध

काठमाडौं । स्वतन्त्र ऊर्जा उत्पादकहरूको संस्था, नेपाल (इपान) ले रामेछापमा निर्माणाधीन ५५ मेगावाटको लिुख–२ जलविद्युत आयोजनाको साइट कार्यालयमा स्थानीयहरूले गरेको अवरोधप्रति आपत्ति जनाएको छ ।

ग्लोबल हाइड्रो पावर एसोसियट लिमिटेडद्वारा जिल्लाको उमाकुण्ड गाउँपालिका वडा नम्बर १ मा प्रवर्द्धित आयोजनाको विद्युतगृहमा स्थानीयले हुल हुज्जत गर्ने, तालाबन्दी गर्ने र आयोजनाका कर्मचारीहरूलाई तर्साउने लगायतका कार्यप्रति इपानले आपत्ति जनाएको छ ।

आयोजना र सरोकारवालाबीच कुनै पनि असमझदारी भएमा आपसी संवाद र छलफलबाटै समाधान गर्न सकिन इपानले सार्वजनिक गरेको विज्ञप्तीमा उल्लेख छ । ‘आफ्ना माग पूरा गराउन आयोजनालाई गम्भिर क्षति पुर्याउने तथा प्रवद्र्धक र कर्मचारीहरूलाई मानसिक र भौतिक रुपमा डरक्रास पैदा गराउने यस्ता अराजक र उदण्ड गतिविधिले राष्ट्रिय अर्थतन्त्रको मेरुदण्डको रुपमा रहेको ऊर्जा क्षेत्रमा नकारात्मक सन्देश प्रवाह हुनेछ’ विज्ञप्तीमा उल्लेख छ ।

आयोजनाको कार्यस्थलमा हुने गरेको यस्ता घटनालाई निरुत्साहित गर्न सरकारले तत्काल सुरक्षा संयन्त्र निर्माण गर्न र घटनाको विष्पक्ष छानविन गरी दोषीउपकर कानुनी कारबाही गर्न माग गरेको छ ।