ऊर्जा खबर
काठमाडौं । इलाम जिल्लाको माई खोलामा दुई जलविद्युत आयोजना निर्माण गरी सञ्चालनमा ल्याएको हिमाल दोलखा हाइड्रो पावर कम्पनी लिमिटेडले हकप्रद सेयर निष्कासन अनुमति पाएको छ । नेपाल धितोपत्र बोडले १ः०.७५ को अनुपातले हकप्रद सेयर निष्कासन अनुमति दिएको हो ।
विद्युत नियमन आयोगकाे निष्कासन अनुमतिपश्चात कम्पनीले बोर्डमा अनुमतिका लागि आवेदन दिएको थियो । कम्पनीका अनुसार बोर्डले अनुमति प्रदान गरेकोले अब छिट्टै सेयर निष्कासन गरी बाँडफाँड गरिनेछ । हालको चुक्ता पुँजी १ अर्ब ६० करोड रुपैयाँको प्रति सेयर अंकित १०० रुपैयाँको दरले १ करोड २० लाख कित्ता हकप्रद सेयर निकाष्सन गरिने कम्पनीले जनाएको छ । कम्पनीको सेयर निष्कासन गरी बाँडफाँड गर्नका लागि लक्ष्मी क्यापिटल मार्केट लिमिटेडलाई बिक्री प्रबन्धक नियुक्त गरेको छ ।
कम्पनीले इलाम जिल्लाको इलाम नगरपालिकामा माई खोला साना जलविद्युत आयोजना (४.५ मेगावाट) र माई नगरपालिकामा रहेको माई साना क्यासकेड जलविद्युत आयोजना (८ मेगावाट) सञ्चालनमा छ ।
.jpg)