ऊर्जा खबर
काठमाडौँ । नेपालले चालु आर्थिक वर्ष (आव) २०८३/८४ को पहिलो दुई महिनामा ६५ अर्ब ४९ करोड रुपैयाँ बराबरको पेट्रोलियम पदार्थ आयात गरेको छ । यो अघिल्लो आर्थिक वर्षको सोही अवधिको खर्चको तुलनामा ७३ प्रतिशतले बढी हो ।
भन्सार विभागको तथ्याङ्क अनुसार समीक्षा अवधिमा नेपालको कुल आयात परिमाणमा जीवाश्म इन्धनको हिस्सा १६.३१ प्रतिशत रहेको छ । सो अवधिमा कुल आयात ४ खर्ब १ अर्ब ५१ करोड रुपैयाँ रहेको छ ।
आयात मूल्यमध्ये पेट्रोलमा १६ अर्ब १३ करोड, डिजेलमा २८ अर्ब ३ करोड र हवाई इन्धनमा ५ अर्ब २२ करोड रुपैयाँ खर्च गरेको छ । त्यसैगरी, यो वर्ष साउनदेखि भदौसम्म १६ अर्ब २ करोड बराबरको खाना पकाउने ग्यास (एलपिजी) आयात गरिएको छ ।
गत आर्थिक वर्षको पहिलो दुई महिनामा नेपालले ३७ अर्ब ८६ करोड बराबरको पेट्रोलियम पदार्थ आयात गरेको थियो । जसमध्ये १० अर्ब ५८ करोडको पेट्रोल, २ अर्ब ८५ करोडको हवाई इन्धन, १४ अर्ब ९१ करोडको डिजेल र ९ अर्ब ४३ करोडको खाना पकाउने ग्यास रहेको थियो ।
भन्सार विभागका अनुसार नेपालको आयात ३१.५८ प्रतिशतले बढेको छ । त्यसैगरी, निर्यात परिमाण ६१.६८ प्रतिशतले बढेर रु ७६.५८ अर्ब पुगेको छ । व्यापार घाटा भने २६.०२ प्रतिशतले बढेर रु ३२४.९३ अर्ब पुगेको छ ।
.jpg){kind=spacer}