ऊर्जा खबर
काठमाडौं । चौधरी ग्रुप (सिजी) ले ‘स्मार्ट मोटर्स’ का विद्युतीय सवारी साधन नेपाली बजारमा भित्र्याउने भएको । नेपालमा विद्युतीय सवारीको बजार दिनानुदिन प्रतिस्पर्धी बन्दै गइरहेकोले बेला नेपालकै ठूलो घराना सिजीले चिनबाट विद्युतीय गाडी भित्र्याउने तयारी गरेको हो ।
स्मार्ट मोटर्सले सिजी ग्रुप अन्तर्गतको सिजी मोटर्सलाई नेपालका लागि आधिकारीक बिक्रेताको रुपमा छनौट भएको छ । यसका लागि सिजी र स्मार्टबीच शनिबार सम्झौता भएको हो ।
कम्पनीले स्मार्टको पहिलो उत्पादनको रुपमा स्मार्ट ह्यास ट्याग १ मोडल नेपाली बजारमा भित्र्याउने छ । जसको ब्याट्री प्याक ६२ किलोवाट आवर (युनिट) क्षमताको छ । यसले एक पटकको फुल चार्जमा ४४० किलोमिटरको रेन्ज प्रदान गर्ने कम्पनीको दाबी छ ।
यो सम्झौतासँगै सिजी मोर्टसले तीनथान विद्युतीय ब्रान्ड बजार ल्याउने भएको छ । सिजीले हाल निटा, केवाइसी र किङलङका सवारीसाधन नेपाली बजारमा बिक्री वितरण गर्दै आइरहेको छ ।
