ऊर्जा खबर
.jpg)
काठमाडौं । मेलम्ची खानेपानी आयोजनाको पानी आज (आइतबार) बाट काठमाडौं उपत्यकामा वितरण सुरु भएको छ । खानेपानी मन्त्री उमाकान्त चौधरीले आज बिहान नयाँ बानेश्वरस्थित पानी वितरण केन्दबाट निकास खुला गरेसँगै पानी उपभोक्ताको धारामा पुगेको हो ।
गत वर्ष (२०७८) असार १ र १७ गतेको बाढीले मेलम्ची खानेपानी आयोजनालाई क्षतिग्रस्त बनाएपछि पानी आपूर्ति रोकिएको थियो । सफाई र मर्मतपछि गत चैत २९ गते काठमाडौंतर्फ पुनःपथान्तरण गरिएकोमा आजबाट वितरण थालिएको हो ।
मेलम्चीको पानी आधाभन्दा बढी स्थानमा पुरानो पाइपमार्फत वितरण गरिनेछ । वितरण पाइपको ४१० नयाँ र ६०० किलोमिटर पुरानो पाइपबाट वितरण हुनेछ ।
सुन्दरीजलमा आउने पानीमध्ये केही पुरानो पाइप, नयाँ पाइप र केही केही पानी परिक्षणका लागि छुट्याइनेछ । हाल ३ करोड ८० लाख लिटर पानी नयाँ पाइपबाट र १० करोड लिटर पानी पुरानो पाइपबाट परीक्षण गरिनेछ । दैनिक २ करोड लिटर पानी भने परिक्षणका लागि प्रयोग हुनेछ ।
.jpg)