ऊर्जा खबर
काठमाडौं । देशको विभिन्न ठाउँमा पहिचान भएको २३ जलविद्युत आयोजनाले अध्ययन अनुमतिका लागि विद्युत विकास विभागमा आवेदन दिएका छन । निजी तथा सरकारी निकायले पहिचान गरेको उक्त आयोजनाले अध्ययन अनुमतिका लागि आवेदन दिएका हुन् ।
विभागका अनुसार १२५०.५२१ मेगावाटका आयोजनाले अध्ययन अनुमतिका लागि आवेदन दिएका हुन् । आवेदन दिएका आयोजना मध्ये सबैभन्दा ठुलो ३३४ मेगावाटकोे लेक पम्प स्टोरेज जलविद्युत आयोजना रहेको छ । उक्त आयोजनाको अध्ययन गर्न नेपाल विद्युत प्राधिकरणले २०७९ असोज २८ गते आवेदन दिएको विभागको तथ्यांकमा छ ।
३०० मेगावाटको भेरी-४ स्टोरेज जलविद्युत आयोजनाको अध्ययन अनुमतिका लागि स्प्रिङ हाइड्रो इनर्जी लिमिटेडले गत कात्तिक २ गते आवेदन दिएको हो । यसैगरी, २०० मेगावाटको अप्पर बुढी गण्डकी, ९५ मेगावाटको गिडी स्टोरेज, ९० मेगावाटको सुपर चुवा खोला, २० मेगावाटको तपवान सेती र ६९ मेगावाटको माँकाली सेती जलविद्युत आयोजनाको अध्ययन अनुमतिका लागि आवेदन परेको विभागले जनाएको छ ।
३० मेगावाटको तल्लो उत्तर गंगा खोला, २६ मेगावाटको त्रिशूली गल्छी, ५ मेगावाटको जिल्ली चुम्ली खोला, ४.८ मेगावाटको त्रिवेनी भेरी नदी, ४.८ मेगावाटको तल्लो उत्तर गंगा नदी, ५ मेगावाटको झुम्सा खोला स्टोरेज र ९.५ तल्लो लिखु क्यास्केड जलविद्युत आयोजनाले पनि अध्ययन अनुमतिका लागि आवेदन दिएका छन ।
९.९ मेगावाटको बलेफी सुनकोसी, ९.६ मेगावाटको अप्पर इखुवा खोला, ४.१ मेगावाटको सुपर सभा खोला, ४.८ मेगावाटको तराप टापु खोला, ४.९९० मेगावाटको मिमिबन खोला, ४.९९० मेगावाटको अप्पर लोती कर्णाली नदी, र ५ मेगावाटको अप्पर तमोर नदी जलविद्युत आयोजनाले अध्ययन अनुमातिका लागि विभागमा आवेदन दिएका छन ।
.jpg)
