ऊर्जा खबर
काठमाडाैँ । चौधरी ग्रुप अन्तर्गत सिजी डिजिटलले तेस्रो संस्करणको आफ्नो सबैभन्दा ठूलो सेल 'बिग सिजी डे' सुरु भएको घोषणा गरेको छ । यो अभियान आधिकारिकरूपमा आज फेब्रुअरी २४ मध्यरातदेखि सुरु भएको हो ।
यस वर्षको बिग सिजी डे विगतका वर्षहरूभन्दा ठूलो हुने र आफ्ना ग्राहकहरूलाई थप आकर्षक र रोमाञ्चक सपिङ अनुभव प्रदान गर्ने सिजी डिजिटलले आश्वासन दिएको छ ।
बिग सिजी डेको मुख्य हाइलाइटहरू ८०० भन्दा बढी सामानहरूमा ३६% सम्मको छुट, थप १०% सम्मको मेगा भाैचर, २४ हजार रुपैयाँसम्म क्यास ब्याक, डेल्ली गिभअवेको रूपमा १० दिनसम्म हरेक दिन एकजना लक्की विजेता जसले आफूले किनेको समान बराबरको अर्को समान निशुल्क किन्न पाउने, ४१४१ सम्म सिजी पोइन्ट रहेको कम्पनीले जानकारी दिएको छ।
बैंक छुटको सन्दर्भमा, बिग सिजी डेमा किनमेल गर्ने ग्राहकहरूले डेबिट कार्डमार्फत २० प्रतिशत अधिकतम २ हजार रुपैयाँ र क्रेडिट कार्डमार्फत २५ प्रतिशत अधिकतम २५ सय रुपैयाँ बचत गर्न सक्ने छन् । नबिल बैंकका ग्राहकहरूले माथि उल्लेखित कार्ड छुटहरू प्राप्त गर्न सक्ने जनाइएकाे छ । यी प्रि-पेमेन्ट छुटहरू सीमित अवधिका लागि मात्र रहने पनि जनाइएकाे छ ।
बिग सिजी डेको पहिलो दिन दिउसो ४ बजे आफ्नो सोसल मिडियामार्फत लाइभ सो गर्ने कम्पनीले जनाएको छ । कम्पनीका अनुसार सलोन बस्नेत लगायत विभिन्न चर्चित कलाकारहरूसँगको कुराकानी रहने छ । साथै, विभिन्न उपहार तथा छुट भौचर पनि लाइभको समयमा हेर्न सकिने छ। लाइभ हेर्नका लागि सिजी डिजिटलको फेसबुक पेजमा जानुपर्ने छ ।
बिग सिजी डे २४.२.२४ मा सिजी ग्रुप अन्तर्गत सिजी इलेक्ट्रोनिक्स, सिजी फुड्स, सिजी नेट, सिजी हिल्स्, सिजी एजुकेसन, सिजी हस्पिटालिटी, सिजी सिमेन्ट, सिजी पे र युनाइटेड इन्स्योरेन्सका उत्पादन तथा सेवा–सुविधामा विभिन्न अफर राखिएको छ ।
