ऊर्जा खबर
काठमाडाैँ । लोअर इर्खुवा हाइड्रो पावर लिमिटेडले सेयर निष्कासन तथा बिक्री प्रबन्धकमा मुक्तिनाथ क्यापिटललाई नियुक्त गरेकाे छ । कम्पनीले २८ लाख ५ हजार ७५० कित्ता साधारण सेयर निष्कासन गरी बाँडफाँड गर्न मुक्तिनाथलाई बिक्री प्रबन्धक नियुक्त गरेको हो ।
कम्पनीले सय रुपैयाँमा अंकित २८ करोड ५ लाख ७५ हजार रुपैयाँ बराबरको सेयर निष्कासन गर्ने तयारी गरेको जानकारी दिएको छ ।
बिहीबार क्यापिटल र हाइड्रो पावर कम्पनीबीच सेयर निष्कासन गरी बाँडफाँड गर्ने सम्झौतामा हस्ताक्षर भएको हो । सम्झौतापत्रमा क्यापिटलका तर्फबाट प्रमुख कार्यकारी अधिकृत कबिन्द्र ध्वज जोशीले र कम्पनीका तर्फबाट प्रवन्ध सञ्चालक विश्वेश्वर सुवेदीले सेयर हस्ताक्षर गरे ।
कम्पनीले निष्कासन गर्न लागेकाे सेयरमध्ये १० प्रतिशत अर्थात १३ लाख ५ हजार कित्ता आयोजना प्रभावित स्थानीय बासिन्दा र ११.५ प्रतिशत अर्थात १५ लाख ७५० कित्ता सर्वसाधारणहरूका लागि छुट्याइएकाे छ ।
कम्पनीले भोजपुरमा निर्माण गरिरहेको १४.१५ मेगावाट क्षमताको आयोजनाको काम अन्तिम चरणमा पुगेको छ ।
