ऊर्जा खबर
काठमाडौं । नेपाल विद्युत प्राधिकरणले शनिबार (भोली) विरगन्ज सबस्टेसनको विद्युत सेवा बन्द गर्ने भएको छ । प्राधिकरण कलैया वितरण केन्द्रले सबस्टेसनको बुसबार र जम्पर बदली गर्नका लागि सेवा बन्द गर्न लागेको हो ।
हेडौडा ग्रिड महाशाखा अन्तर्गतको विरगन्ज सबस्टेसनको ३३ केभी बुसबार र जम्पर बदली गर्नका लागि सेवा बन्द गर्न लागिएको केन्द्रले जनाएको छ । केन्द्रका अनुसार बिहान ८ बजेदेखि सेवा बन्द गरेर बदलीको काम सुरु गरिनेछ ।
अवरुद्ध सेवा दिउँसो १ बजेदेखि पुनःसुचारु हुने प्राधिकरणले जनाएको छ । प्राधिकरणका अनुसार सेवा बन्द हुँदा यो सबस्टेसनबाट वितरण हुने क्षेत्र प्रभावित हुनेछ ।
तोकिएको समयअगावै काम सम्पन्न भए निर्धारित समय अगावै सेवा सुरु गर्ने प्राधिकरणले जनाएको छ । यस वितरण केन्द्र अन्तर्गत पूर्वी र दक्षिण क्षेत्रको सेवा बन्द हुनेछ ।
