ऊर्जा खबर
काठमाडौं । नेपाल विद्युत प्राधिकरण भरतपुर वितरण केन्द्रले लामाे समयसम्म विदयुत महसुल नबुझाउने ग्राहककाे लाइन काट्दै बक्याैता उठाउन सुरू गरेकाे छ । केन्द्रले ६० दिन भन्दा बढी समय विदयुत महसुल नतिर्ने ग्राहककाे लाइन काटेर कारबाही गर्न सुरू गरेकाे हाे ।
केन्द्र अर्न्तगतका सरकारी कार्यालय समेतकाे लाइन काटेर बाँकी बक्याैता उठाउन सुरू गरेकाे छ । ६० दिन भन्दा बढी समयकाे बक्याैता भएकाे ग्राहकलाइ बाँकी महसुल तिर्न आग्रह गरेकाे छ ।
समयमै विद्युत महसुल भुक्तानी गरी कारबाहीबाट जोगिन केन्द्रले सुचित गरेको छ । केन्द्रले महसुल नतिर्ने ग्राहककाे लाइन काट्ने काम तिव्र गतिमा अघि बढाएकाे छ । साथै, विदयुतीय संरचना प्रयाेग गरेवापत राजस्व नतिर्ने सेवा प्रदायकबाट राजस्व उठाउने काम तिब्र गतिमा गरिरहेकाे छ ।
