विद्युत अपडेट

  • प्राधिकरण : ९९७३ मे.वा.घन्टा
  • सहायक कम्पनी : ११६६० मे.वा.घन्टा
  • निजी क्षेत्र : २२६९९ मे.वा.घन्टा
  • आयात : ३६४४ मे.वा.घन्टा
  • निर्यात : ३६४५ मे.वा.घन्टा
  • ट्रिपिङ : २१५० मे.वा.घन्टा
  • ऊर्जा माग : ५०१२६ मे.वा.घन्टा
  • प्राधिकरण : मे.वा.
  • सहायक कम्पनी : मे.वा.
  • निजी क्षेत्र : मे.वा.
  • आयात : मे.वा.
  • निर्यात : मे.वा.
  • ट्रिपिङ : मे.वा.
  • उच्च माग : २३०७ मे.वा.
२०८१ असार १, शनिवार
×
जलविद्युत सोलार वायु बायोग्यास पेट्रोलियम अन्तर्राष्ट्रिय ई-पेपर जलवायु ऊर्जा दक्षता उहिलेकाे खबर हरित हाइड्रोजन ईभी सम्पादकीय बैंक पर्यटन भिडियो छापा खोज प्रोफाइल ऊर्जा विशेष
अन्तर्वार्ता

नेत्र कार्की विगतमा एक दशकभन्दा लामो समय पत्रकारितामा क्रियाशील रहे । उनले विशेषतः सुरुमा नेपाल टेलिभिजनमार्फत ‘ऊर्जा’ कार्यक्रम सञ्चालन गरे । त्यसपछि, न्यूज२४ टेलिभिजनबाट लामो समयसम्म ‘मिसन ऊर्जा’ कार्यक्रममार्फत ऊर्जा तथा जलविद्युत् विकासमा पैरवी गरिरहे । जलविद्युत् विकासमा निजी क्षेत्रका मुद्दाहरूलाई प्राथमिकताका साथ सम्प्रेषण तथा सरकारका विसंगति तथा विकृतिलाई बाहिर ल्याएर उनले पत्रकारितामार्फत यस क्षेत्रको विकासको वकालत गर्दै आएका थिए ।

क्रियाशील पत्रकारितासँगै उनी समाज सेवामा समेत जोडिएका थिए । सिन्धुपाल्चोक सुनकोसी गाउँपालिका, ठोकर्पाका स्थायी बासिन्दा कार्कीलाई समाज सेवाको त्यही पाटोले सक्रिय पत्रकारिताबाट राजनीतिमा पुर्‍यायाे । स्थानीयस्तरमा उपलब्धिपूर्ण काम गरेकै कारणले उनी २०७४ सालको स्थानीय निर्वाचनमा सुनकोसी गाउँपालिका–१ को अध्यक्षमा भारी मत ल्याएर निर्वाचित भएका थिए ।

राजनीतिमार्फत स्थानीय तहको विकास निर्माणसँग जोडिएपछि उनले त्यस क्षेत्रमा ‘एक घर एक धारा’ अभियान सुरु गरी खानेपानी सुविधा पुर्‍याएको उनको क्षेत्रका राजनीतिकर्मी तथा स्थानीयहरू आज सम्झिन्छन् । खानेपानी र सिँचाइको अति नै समस्या रहेको त्यस क्षेत्रमा उनले सौर्य विद्युत्‌मार्फत दुई वटा ‘लिफ्ट सिँचाइ आयोजना’को विकास पनि गरेका छन् । स्थानीय जनप्रतिनिधिको रूपमा पाँच वर्षे कार्यकाल पूरा गरेपछि उनी पुनः ऊर्जा विकास प्रवर्द्धनको अभियानमा फर्केका छन् ।

कार्की पत्रकारितामा क्रियाशील रहँदा र आज समय केही बदलिएको छ । ऊर्जा तथा जलविद्युत् विकासमा देशले करिब ३ हजार मेगावाट विद्युत् उत्पादन गरी एउटा उपलब्धि हासिल गरेको छ । पछिल्ला दशकहरूमा जलवायु परिवर्तनको असरका कारण विश्वव्यापी रूपमा ऊर्जा उत्पादन र उपयोगका श्रृंखला पनि बदलिएका छन् । विश्व कोइला, खनिजजन्य इन्धनबाट माथि उठेर हरित तथा स्वच्छ ऊर्जा उत्पादन, त्यसको उपभोग र बजारीकरणमा जुटेको छ । अझ, विश्वको ध्यान पूर्णतः हरित ऊर्जामार्फत हरित हाइड्रोजनको विकास गरी ‘हरित अर्थतन्त्र’ निर्माणमा केन्द्रित भएको छ ।

अहिले, कार्कीले पनि विश्व ऊर्जा विकासको यही लयलाई समातेका छन् । उनी जलविद्युत् विकास, पर्यावरण संरक्षण र जलवायु अनुकूलन र हरित हाइड्रोजन विकासको प्रवर्द्धनको अभियानमा जुटेका छन् । हाल स्वच्छ तथा नवीकरणीय ऊर्जा विकास, पर्यावरण संरक्षण र जलवायु परिवर्तनको असर न्यूनीकरणमा कार्यरत संस्था ‘नेपाल एसोसिएसन फर इम्प्याक्ट एसेसमेन्ट (एनएआइए)’ का प्रमुख कार्यकारी अधिकृतसमेत रहेका उनी यो क्षेत्रको वकालतमा अग्रभागमा देखिएका छन् । उनै जुझारु युवा अभियन्तासँग ऊर्जा टिभीकाे ऊर्जा संवाद श्रृंखलामा उनीसँग गरिएकाे कुराकानी :

प्रतिक्रिया दिनुहोस

© 2024 Urja Khabar. All rights reserved
विज्ञापनको लागि सम्पर्क +९७७-१-५३२१३०३
Site By : Nectar Digit