विद्युत आपूर्ति : प्राधिकरण : ६६५३ मे.वा.घन्टा / निजी क्षेत्र : ६४०६ मे.वा.घन्टा / आयात : ८७५० मे.वा.घन्टा / ट्रिपिङ : मे.वा.घन्टा / ऊर्जा माग : २१८०९ मे.वा.घन्टा/ उच्च माग : ११८० मेगावाट मे.वा.घन्टा/ निर्यात : मेगावाट
×

तमोर-चांगे प्रसारण लाइनको अध्ययन सकिँदै, ७ सय मेगावाट विद्युत प्रवाह हुने

२०७७ फाल्गुण १०

काठमाडौं । तमोर-चांगे २ सय २० केभी डबल सर्किट प्रसारण लाइन आयोजनाको अध्ययन  ७० प्रतिशत पूरा भएको छ । तमोर बेसिनमा निर्माणाधीन जलविद्युत आयोजनाको विद्युत राष्ट्रिय प्रसारण प्रणालीमा जोड्ने उद्देश्यले निर्माण हुन लागेको प्रसारण लाइनको अध्ययन अन्तिम चरणमा पुगेको हो ।

राष्ट्रिय प्रसारण ग्रिड कम्पनीले प्रसारण लाइनको अध्ययन गरिरहेको छ । तमोर बेसिनका १ सय ५५ मेगावाटको सुपर तमोर, १ सय १ मेगावाटको तमोरलगायतका जलविद्युत आयोजना यही प्रसारण लाइनमार्फत राष्ट्रिय प्रणालीमा जोडिने छन् । यो बेसिनमा तमोरदेखि चांगेसम्म ६० किलोमिटर लामो प्रसारण लाइन निर्माण हुनेछ । 

प्रसारण लाइन आयोजना अन्तर्गत ताप्लेजुङको फक्ताङ्लुङमा तमोर सबस्टेसन निर्माण हुनेछ । सबस्टेसन निर्माणका लागि जग्गा प्राप्तिको काम सम्पन्न भइसकेको कम्पनीले जनाएको छ । 

कम्पनीले प्रसारण लाइन र सबस्टेसनको प्रारम्भिक वातावरणीय परीक्षणको कार्यसूची तयार गरी विद्युत विकास विभागमा पेश गरिसकेको छ । आयोजनाको वातावरणीय अध्ययन आर्थिक वर्ष २०७७/७८ भित्र सम्पन्न गरी आव २०७८/७९ भित्र ठेक्का सम्झौता सम्पन्न गर्ने योजना छ ।

यो प्रसारण लाइन २०८० भित्र निर्माण सम्पन्न गर्ने लक्ष्य छ । प्रसारण लाइन र सबस्टेसन निर्माण सम्पन्न ३ अर्ब रुपैयाँ लागत अनुमान गरिएको छ । यो लाइन पूरा भएपछि करिब ७ सय मेगावाट विद्युत प्रवाह गर्न सकिनेछ ।

प्रतिक्रिया

सम्पादक : लक्ष्मण वियोगी
© 2021 Urja Khabar. All rights reserved
विज्ञापनको लागि सम्पर्क +977-1-5321303
Site By : Nectar Digit