ऊर्जा खबर
काठमाडौं । ललितपुर महानगरपालिकाले वडा नम्बर ९ बालकुमारीमा विद्युतीय शवदाहगृह निर्माण गर्ने भएको छ । सरकारले विद्युत खपत बढाउने भनिरहँदा महानगरपालिकाले उक्त काम अगाडि बढाउन लागेको हो ।
महानगरपालिकाले विद्युतीय शवदाहगृह निर्माण गर्दा पर्न सक्ने असरबारे स्थानीयसँग राय/सुझाव माग गरेको छ । प्रारम्भिक वातावारणीय परीक्षण अध्ययनको तयारी गर्ने क्रममा सो क्षेत्रको प्राकृतिक भौतिक, सांस्कृतिक, आर्थिक, सामाजिक प्रणालीमा केकस्तो प्रभाव पर्दछ भनि यकिन गर्न राय÷सुझाव मागिएको जनाइएको छ ।
महानगरपालिकाका अनुसार त्यस क्षेत्रका विद्यालय, अस्पताल, स्वास्थ्य चौकी तथा सरोकारवाला व्यक्ति वा संस्थाको लिखित राय÷सुझाव ७ दिनभित्र उपलब्ध गराउनुपर्ने छ ।
शवदाहगृह १४८९९.४७ वर्गमिट जग्गामा निर्माण हुने तथा आरसिसी संरचनामा रहने २ तले हुने उल्लेख छ । शवदाहगृहमा नेपाल विद्युत प्राधिकरणमार्फत विद्युत आपूर्ति हुनेछ । यसअघि पनि ललितपुरको वडा नम्बर ११ मा शवदाहगृह निर्माण गर्न इजि टेक्निकल सर्भिसेस प्रालिले प्रस्ताव गरेको थियो ।
यसअघि, पशुपति क्षेत्रमा यस्तो शवदाहगृह निर्माण गरी सञ्चालनमा ल्याइएको छ तर त्यो प्रभावकारी रूपमा सञ्चालन भइरहेको छैन ।
.jpg)