ऊर्जा खबर
काठमाडौं । नेपाल विद्युत प्राधिकरणले सिराहाकाे लहान, कन्चनपुरकाे बजार, गड्डाचौकी तथा दोधारा चाँदनी सबस्टेसन बन्द गर्ने भएकाे छ । फिडरकाे मर्मत तथा स्तराेन्नित गर्न शनिबार सबस्टेसन बन्द गर्न लागिएकाे हाे ।
कन्चनपुरस्थित ३३ केभी बजार, गड्डाचौकी र दोधारा चाँदनी सबस्टेसनकाे सेवा ५ घन्टाका लागि अवरुद्ध हुने प्राधिकरण महेन्द्रनगर वितरण केन्द्रले जनाएकाे छ । वितरण केन्द्रका अनुसार सबस्टेसनबाट सञ्चालन हुने फिडरमा विद्युतीय पोल थप गर्न तथा जीर्ण पाेल बदली गर्न बिहान ११ बजेदेखि दिउँसाे ४ बजेसम्म सबस्टेसन बन्द गरिनेछ ।
बजार सबस्टेसनको लाइटिङ एरेष्टर एवं पि.टी तथा दोधारा चादँनीमा पोल थप एवं बदली गरिने भएकाे छ । सबस्टेसन बन्द हुँदा सम्पूर्ण ११ केभी फिडरबाट वितरण हुने महेन्द्रनगर क्षेत्रकाे विद्युत सेवा प्रभावित हुनेछ । अवरुद्ध सेवा ४ बजेबाट सुचारु हुनेछ ।
लहान सबस्टेसन पनि ६ घण्टा बन्द हुने
२२ केभी लहान सबस्टेसन पनि ६ घण्टाका लागि बन्द हुने भएको छ । सबस्टेसनमा रहेको ३३ केभी टुइन कन्डक्टर बस बारको कन्डक्टर बदली गर्नुपर्ने भएकोले सबस्टेसन बन्द गर्न लागिएको हो । शनिबार बिहान १० बजेदेखि सबस्टेसनका बन्द गरेर कन्डक्टर बदली गरिने भएकाे छ । सबस्टेसन बन्द हुँदा यहाँ जाेडिएका सबै फिडरकाे विद्युत सेवा अवरुद्ध हुनेछ । सबस्टेसन सञ्चालन भएपछि ४ बजेबाट अवरुद्व सेवा सुचारु हुनेछ ।
लहान सबस्टेसन बन्द हुँदा यस यहाँ जाेडिएका ११ केभी फिडरबाट विद्युत वितरण भएकाे क्षेत्रकाे सेवा प्रभावित हुनेछ । तोकिएको सयमअगावै काम सम्पन्न भए छिट्टै सेवा सुचारु गरिने प्राधिकरणले जनाएकाे छ ।
.jpg)
