ऊर्जा खबर
काठमाडौं । हाइड्रो इलेक्ट्रिसिटी इन्भेष्टमेन्ट एण्ड डेभलपमेन्ट कम्पनी (एचआइडिसिएल) र सिक्लेस हाइड्रो पावर कम्पनीले लाभांश घोषणा गरेका छन् । कम्पनीले आफ्नो सेयरधनी सदस्यलाई लाभांश वितरण गर्ने निर्णय गरेका हुन् ।
एचआइडिसिएलले हाल कायम चुक्ता पुँजीको ५.२६३ प्रतिशतका दरले नगद लाभांश वितरण गर्ने घोषणा गरेको छ । कम्पनीको सञ्चालक समितिको पुस ४ गते बसेको बैठकले लाभांश वितरण गर्ने निर्णय गरेको हो । कम्पनीकाे आगामी पुस २९ गते हुने साधारणसभाले प्रस्ताव पारित गरेपछि वितरण हुनेछ ।
यसैगरी, सिक्लेसले चुक्ता पुँजीको ६ प्रतिशतका दरले नगद लाभांश वितरण गर्ने प्रस्ताव गरेको छ । कम्पनीले गत वर्ष आफ्ना सेयरधनी सदस्यहरूका लागि १०.५२६ प्रतिशत नगद लाभांश वितरण गरेको थियो । यो कम्पनील्े कास्की जिल्लामा १३ मेगावाटको मदुक्यु खोला जलविद्युत् आयोजना निर्माण गरी सञ्चालन गरिरहेको छ ।
