माथिल्लो तामाकोसीकाे बाँध र सुरुङ निरीक्षण गर्न एक साता उत्पादन बन्द गरिने

काठमाडौं । ४५६ मेगावाटको माथिल्लो तामाकोसी जलविद्युत केन्द्रकाे विद्युत उत्पादन आगामी कात्तिक ८ गतेदेखि १४ गतेसम्म (एक साता) बन्द हुने भएको छ । प्रवर्द्धक अप्पर तामाकोसी हाइड्रो पावर लिमिटेडले केन्द्रको बाँध र सुरुङको प्राविधिक निरीक्षण गर्नु पर्ने भन्दै मंगलबारदेखि उत्पादन बन्द गर्न लागेको हो ।

निरीक्षण गर्दा जलाशयको पानी घटाउने क्रममा तल्लो तटीय क्षेत्रमा करिब ११/१२ घण्टा नदीको बहाव बढ्न सक्ने कम्पनीले जनाएको छ । कम्पनीका अनुसार सो अवधिभर तामाकोसी बाँधको तल्लो तटीय क्षेत्रमा पर्ने लामाबगर, छेतछेत, गोंगर, जगत, टुनिटार, जमुने, भोर्ले, सिंगटी, नयाँ पुल, किर्ने र खिम्तीसहित सुनकोसी नदीको दोभानसम्म माछा मार्ने, नुहाउने, पौडी खेल्ने, नदी तर्ने, लुगा धुने, वस्तुभाउ लैजाने, गिटीबालुवा निकाल्ने र गाडी तार्ने जस्ता कार्यहरू नगर्न आग्रह गरेको छ ।

यस्तै, नदी किनारमा परम्पराअनुसार मृतकहरूको दाहसँस्कार वा धार्मिक संस्कार गर्नुपर्दा अत्यन्त सतर्कतापूर्वक एवं सावधानीका साथ गर्न कम्पनीले अनुरोध गरेको छ । 

थप जानकारीको लागि