ऊर्जा खबर
काठमाडौँ । बाराही हाइड्रोपावर पब्लिक लिमिटेडको नवौँ वार्षिक साधारण सभा शुक्रबार सम्पन्न भएको छ । साधारणसभाले कम्पनीको हकप्रद शेयर जारी गर्ने र सोको लागि आवश्यक कार्य गर्न सञ्चालक समितिलाई अख्तियारी दिने विशेष प्रस्ताव पारित गरेको छ ।
त्यस्तै, साधारणसभाले आर्थिक वर्ष २०८०/८१ को वार्षिक प्रतिवेदन छलफल गरी पारित गरेको छ । लेखा परीक्षकेको प्रतिवेदन सहित २०८१ असार मसान्तसम्मको वासलात र आर्थिक वर्ष २०८०/८१ को नाफा–नोक्सान हिसाब तथा नगद प्रवाह विवरण र सम्बन्धित अनुसूचीहरू छलफल गरी पारित गरिएको छ ।
साधारणसाले आर्थिक वर्ष २०८१/८२ को लेखापरीक्षक नियुक्त गर्ने र निजको पारिश्रमिक समेत निर्धारण गर्ने प्रस्तावसमेत पारित गरेको छ ।
कम्पनीले हाल बाग्लुङको जैमिनी नगरपालिकामा १.५ मेगावाटको ठेउलेखोला जलविद्युत् केन्द्र सञ्चालन गरिहेको छ । त्यस्तै, कम्पनीले म्याग्दीको धौलागिरी गाउँपालिकामा प्रस्तावित ३.४५ मेगावाटको सिंकोस खोला आंशिक जलाशय जलविद्युत् आयोजना र ठेउलेखोलाकै क्यास्केड आयोजनाको रुपमा ०.५१ मेगावाटको आयोजना पनि अघि बाउने तयारी गरिरहेको छ ।
.jpg)