ऊर्जा खबर
काठमाडौँ । रसुवागढी हाइड्रोपावर कम्पनी लिमिटेडको पिकअप भ्यानमा भीरबाट खसेको ढुङ्गाले लागेर क्षति पुगेको छ । रसुवाको उत्तरी सीमा क्षेत्रमा पर्ने गोसाइँकुण्ड गाउँपालिकामा रहेको १११ मेगावाटको रसुवागढी जलविद्युत् आयोजना स्थलबाट काठमाडौँ आउने क्रममा स्याफ्रुबेसी नजिकै मदामैदुङ भन्ने स्थानमा सो दुर्घटना भएको कम्पनीका प्रमुख कार्यकारी अधिकृत (सिइओ) सत्यराम ज्याख्वाले बताए ।
उक्त स्थानमा आइतबार दिउँसाे पहिरोले अवरुद्ध भएको बोटो खोल्न लागिएकोले गाडीहरू रोकिएका थिए । रोकिराखेको स्थानमा कम्पनीको बा. १० च. ४२०७ नम्बरको टाटा हाइलक्स पिकअप भ्यानमा माथिबाट ठूलो ढुङ्गा खसेर लागेको उनले बताए ।
‘ढुङ्गाले गाडीको पछाडिको सिटमा प्वाल पारेर पछाडिको ढोका समेत बाहिर निस्कने गरी कुच्याएको छ,’ उनले भने, ‘बाटो जाम भई गाडी राकिएको र त्यसबखत गाडीभित्र कोही नभएकोले हाम्रा साथीहरू बच्न सफल हुनुभएको छ ।’
.jpg)
