ऊर्जा खबर
काठमाडौँ । नेपाल विद्युत् प्राधिकरणले आइतबार ४ जना विभागीय प्रमुखको जिम्मेवारी हेरफेर गरेको छ । जिम्मेवारी फेरिनेमा निर्देशकद्वय चन्दनकुमार घोष र रन्जु पाण्डे तथा प्रबन्धक द्वय रविन्द्र श्रेष्ठ र मनोज साह रहेका छन् ।
विद्युत् प्रणाली सञ्चालन विभागका निर्देशक घोषलाई भार प्रेषण केन्द्रको जिम्मेवारी तोकिएको छ भने प्रणाली सञ्चालनमा पाण्डेलाई ल्याइएको छ । करिब ४ महिनाअघि घोष केन्द्रकै निर्देशक र पाण्डे विभागमै थिइन् । यसैगरी, प्राधिकरणले कम्प्युटर बिलिङ आयोजनाका रविन्द्र श्रेष्ठलाई डाटा सेन्टर र डाटा सेन्टरका मनोज साहलाई कम्प्युटर बिलिङमा सरुवा गरेको जनाएको छ ।
