ऊर्जा खबर
काठमाडौं । नेपाल आयात निगमले दसैँ बिदामा कुनै पनि पेट्रोल पम्पहरू बन्द नहुने जनाएको छ । बजारमा पेट्रोलियम पदार्थको अभाव हुन नदिन सार्वजनिक बिदामा पनि डिपोहरू खुल्ला हुने भएको हो ।
निगमले सूचना जारी गर्दै पेट्रोल पम्प सँगैे सहज आपूर्तिका लागि दसैँ बिदामा १३ वटा डिपोहरू खुल्ला रहने जानकारी दिएको छ । दसैँमा सार्वजनिक बिदा हुने र सार्वजनिक यातायातको चाप बढ्ने भएकाले पप्पहरू खुल्ला राख्न निगमले यस्तो निर्णय गरेको हो ।
प्रदेश १ को विराटनगर र मधेस प्रदेशको अमलेखगंज डिपो असोज १६, २९ र २१ गते खुला हुने निगमले जनाएको छ । यसैगरी बागमतीको थानकोट र गण्डकीको पोखरा असोज १५, १६, १८ र २१ गते खुला हुनेछ । साथै, लुम्बिनीको भैरहवामा असोज १५, १६, १७, २१ र २२ गते र कर्णाली प्रदेशको सुर्खेतमा असोज १६ र २१ गते डिपोहरू खुला हुनेछ ।
यस्तै, सुदुर पश्चिम प्रदेशको धनगढीमा असोज १६, १७ र २१ गते तथा शाखा कार्यालय चारआलीमा १६ र २१ गते डिपोहरू बिदाको दिनमा खुला हुनेछन् । अन्य सहरहरूमा नेपालगञ्ज, धनुषा, वीरगञ्ज, दाङ र दिपायलका डिपो पनि २१ गतेसम्म खुला रहनेछन् ।
