ऊर्जा खबर
.jpg)
काठमाडौं । इन्डियन आयल कर्पोरेसन (आइओसी) ले पेट्रोलियम पदार्थको मूल्य घटाएर पठाएको छ । आइओसीले पठाएको सुचीअनुसार पेट्रोल र डिजेलको मूल्य घटेर आएको हो ।
पेट्रोलमा प्रतिलिटर १.२१ रुपैया र डिजेलमा ५.५ रुपैयाँ घटेर आएको नेपाल आयम निगमले जनाएको छ । निगमका अनुसार मट्टितेलमा प्रतिलिटर ३.४० रुपैया र हवाई इन्धनमा भने प्रतिलिटर ७.३ रुपैयाँले घटेर आएको छ ।
पेट्रोलियम पदार्थका मूल्य घटेर आए पनि खाना पकाउने एलपि ग्यास भने प्रतिसिलिण्डर ३३९.६ रुपैयाँले बढेरका आएको छ । मार्च १ मा पठाएको सूचीअनुसार एलपिजी ग्यासको भने मूल्य बढेर आएको हो ।
यसअघि निगमले पठाएको सूचीअनुसार डिजलमा प्रतिलिटर ६.४० रुपैयाँ र पेट्रोलमा १.९७ रुपैयाँले घटेर आएको थियो । अन्तर्राष्ट्रिय बजारमा पछिल्लो समयमा माग र उत्पादन कटौतीले पेट्रोलिय पदार्थको मूल्य घटबढ भइरहेको छ ।
निगमले नेपाल सरकारको ऋण र आइओसीलाई फेब्रुवरी २०२२ मा तिर्नुपर्ने बक्यौता भुक्तानी गरी करिब १६ अर्ब ३० करोड रुपैयाँ तिर्न बाँकी छ । आइओसीको बक्यौता एंव सरकारद्धारा उपलब्ध ऋणको व्यवस्थापन गर्न चुनौति रहेको निगमले जनाएको छ ।
