ऊर्जा खबर
काठमाडौँ । अछाम जिल्लाको मङ्गलसेन नगरपालिकाले विद्युत्काे पहुँच पुगेको स्थानका विपन्न, एकल महिला र दलित समुदायलाई विद्युतीय चुलो वितरण गर्ने भएकाे छ । नगरपालिकाका प्रमुख प्रशासकीय अधिकृत खकेन्द्रबहादुर सोडारीका अनुसार स्थायी नगरवासीले दुई पक्षीय साझेदारीमा उक्त चुलो, प्रेसर कुकर र कराही वितरण गरिने छ ।
पालिकाका अनुसार ८ हजार ५ सय रुपैयाँ पर्ने उक्त सामग्रीलाई सम्बन्धित व्यक्तिले ४ हजार ५ सय नगरपालिकालाई राजस्व बुझाउनुपर्ने छ । पालिकाले विद्युतीय चुलोका लागि आवेदन माग गरेको छ । उक्त सामग्री लिनको लागि नगरपालिकामा आफ्नो नेपाली नागरिकताको प्रमाणपत्रको प्रतिलिपि, स्थायी बसोबास भएको प्रमाण खुल्ने कागजात र राजस्व तिरेको रसिदसहित पालिकामा निवेदन पेस गर्नुपर्ने बताइएकाे छ ।
