ऊर्जा खबरको मधेश प्रदेश संयोजकमा सन्तोषकुमार मिश्र

काठमाडौँ । ऊर्जा खबरले मधेश प्रदेश संयोजकमा पत्रकार सन्तोषकुमार मिश्रलाई नियुक्त गरेको छ । करिब २ दशकदेखि पत्रकारितामा सक्रिय उनलाई मधेश क्षेत्रको ऊर्जा विकासका सम्भावना तथा समस्यामा केन्द्रित रहेर कलम चलाउने गरी नियुक्त गरिएको हो ।

संयोजक मिश्रलाई ऊर्जा खबरका सल्लाहाकारसमेत रहेका उद्यमी तथा लेखक जीवा लामिछानेले विशेष समारोहका बीच खादा लगाएर स्वागत गरे । ऊर्जा खबरले लामो समयदेखि तथ्यमा आधारित विश्वसनीय पत्रकारिता गर्दै आएकै कारण विज्ञ सल्लाहकारहरुको समूहसमेत यसमा आवद्ध रहेको भन्दै यो शाखलाई जोगाएर काम गर्न प्रेरित गरे ।

कार्यक्रममा उपस्थित ऊर्जा खबरका विशेष सम्पादकसमेत रहेका ऊर्जा उद्यमी सूर्यप्रसाद अधिकारी र ऊर्जा खबरका सम्पादक लक्ष्मण वियोगीले उनलाई मधेश क्षेत्रको समग्र ऊर्जा विकासका विषय समेटेर सत्यतथ्य समाचार सम्प्रेषण गर्न आग्रह गरे ।

२०६० सालदेखि राजनीति. अपराध अनुसन्धानसहितका क्षेत्रमा कलम चलाउँदै आएमा मिश्र नेपाल पत्रकार महासंघ एसोसियट प्रदेश समितिका सदस्य समेत हुन् ।