एक दर्जन जलविद्युत कम्पनीकाे साढे २ करोड कित्ता सेयर आउँदै

काठमाडौं । जलविद्युत आयाेजना निर्माण सम्पन्न तथा निर्माण गरिरहेका १२ जलविद्युत कम्पनीहरूले साधारण सेयर निष्कासन गर्न नेपाल धितोपत्र बोर्ड (सेबोन) मा आवेदन दिएका छन् । कम्पनीहरूले जलविद्युत आयोजना प्रभावित स्थानीय र सर्वसाधारणका लागि छुट्याएको साधारण सेयर निष्कासन गर्ने तयारी गरेका हुन् ।

यी कम्पनीहरूले २ अर्ब ३९ कराेड ९६ लाख ३५ हजार ७ सय रूपैयाँ बराबरकाे २ करोड ३९ लाख ९६ हजार ३ सय ५७ कित्ता सेयर निष्कासन गर्न लागेको बोर्डले जनाएको छ । बाेर्डका अनुसार सेयर निष्कासन अनुमतिका लागि २०७८ मा दुई र २०७९ मा १० कम्पनीले आवेदन दिएका छन् ।

आवेदन दिएक कम्पनीमध्ये सबैभन्दा बढी मोदी इनर्जि लिमिटेडकाे रहेकाे छ । याे कम्पनीले सय रुपैयाँ अंकित ७२ करोड ५० लाख रूपैयाँ बराबरको ७२ लाख ५० हजार कित्ता सेयर निष्कासन गर्न कम्पनीले बोर्डमा आवेदन दिएको छ । कम्पनीले २०७९ भदौ ३१ गते आवेदन दिएको हो । कम्पनीले सेयर निष्कासन गरी बाँडफाँड गर्न सनराइज क्यापिटल लिमिटेडलाई बिक्री प्रबन्धक तोकिएको छ ।

यस्तै, सबैभन्दा कम कुथेली बुखरी स्मल हाइड्रो पावर लिमिटेड रहेको छ । २ लाख ४३ हजार ७ सय ३५ कित्ता सेयर निष्कासन गर्न लागेको यस कम्पनीले २०७८ साउन ३२ गते आवेदन दिएको थियो । कम्पनीको सेयर निष्कासन गरी बाँडफाँड गर्न एन एम बी क्यापिटल लिमिटेडलाई बिक्री प्रबन्ध नियुक्त गरिएको छ ।

सेयर निष्कासन अनुमतिका लागि आवेदन दिने कम्पनीहरू

स्राेत ः नेपाल धिताेपत्र बाेर्ड