नेपालगन्ज, चितवन र पनाैतीका विभिन्न स्थानकाे विद्युत सेवा प्रभावित

काठमाडौं । नेपालगन्ज वितरण केन्द्र अन्तर्गत  २ फिडरकाे विद्युत लाइन काटिएकाे छ । बाेर्डर र ग्रामीण फिडरबाट वितरण हुने सेवा ६ घन्टाका लागि बन्द गरिएकाे हाे ।

बाेर्डर फिडरकाे भृकुटीनगर  ट्रान्सफर्मरको सेवा बन्द गरिएकाे वितरण केन्द्रले जनाएकाे छ । वितरण केन्द्रकाअनुसार भृकुटीनगर क्षेत्रमा कन्डक्टर अपग्रेड गर्न ट्रान्सफर्मर बन्द गरिएको छ ।

यस्तै, ग्रामीण फिडर अन्तर्गत डुडुवा गाउँपालिका बेतहनी क्षेत्रमा फेज थप गर्नका लागि बेतहनी ट्रान्सफर्मरको सेवा बन्द गरिएको छ। बिहान ११ बजेबाट अवरुद्ध विद्युत सेवा सेवा साँझ ५ बजेबाट पुनः सुचारु हुनेछ । आपूर्ति बन्द हुँदा यी ट्रान्सफर्मरबाट वितरण हुने क्षेत्रकाे विद्युत सेवा प्रभावित भएकाे छ ।

मेघौली र नारायणी फिडरको कन्डक्टर अपग्रेड गर्न ६ ट्रान्सफर्मरको सेवा बन्द

चनौली वितरण केन्द्रले ११ केभी मेघौली र नारायणी फिडरको कन्डक्टर अपग्रेड गर्न ६ वटा ट्रान्सफर्मरबाट वितरण हुने सेवा बन्द गरेको छ । केन्द्रले बिहान साढे १० बजेदेखि भरतपुर–२५ को बसकठा, बोटे तथा भरतपुर–२६ को हिरापुर, सिसुवार, कोइला, डेलिस डेरी ट्रान्सफर्मरको सेवा बन्द गरेको हो । 

यी ट्रान्सफर्मरको विद्युत सेवा शुक्रबार पनि बन्द हुने केन्द्रले जनाएको छ । अवरुद्व सेवा दैनिक साँझ साढे ५ बजेबाट सुचारु हुनेछ । 

पनौती फिडरको पनि विद्युत सेवा अवरुद्व

काभ्रे वितरण केन्द्रले सडक विस्तारको काम भइरहेकोले विद्युतीय संरचना स्थानान्तरण गर्नका लागि पनौती फिडरको विद्युत सेवा बन्द गरेको छ । चौकोट, धालमले, पनौती, कुशादेबी, रोशी, मल्पी, जोरघट्टे, कलाती, मानेदोभान, खड्कगाँउ, रोयले, बोहोरे एरीयामा सडक विस्तारका लागि विद्युतीय संरचनाको स्थानान्तरण गर्न ८ घण्टाका लागि सेवा बन्द गरिएको छ । 

अवरुद्व सेवा साँझ ५ बजेबाट सुचारु हुनेछ । सेवा बन्द हुँदा पनौतीको खोपासी जाने पुलदेखि फिर्फिर डाँडा भण्डारी गाउँ जाने चोकसम्मका क्षेत्र प्रभावित भएकाे छ। तोकिएको समयअगावै काम सम्पन्न भने छिट्टै सेवा सुचारु गर्ने प्राधिकरणले जनाएको छ ।