ऊर्जा खबर
काठमाडौं । केही दिनदेखिको अविरल वर्षासँगै आएको बाढीले सुनसरीमा निर्माणाधीन ४०० केभी र २२० केभी सबस्टेसनमा क्षति पुर्याएको छ । वर्षासँगै भोक्राहा नरसिंह गाउँपालिकामा निर्माणाधीन सबस्टेसनमा क्षति पुर्याएको हो ।
खोलाको बाढी पस्दा सबस्टेसन अहिले डुबानमा परेको छ । बाढीले सबस्टेसनको कम्पाउण्ड वाल बगाएको छ । जडानका लागि ट्रन्सफर्मर,रियाक्टर सर्किट ब्रेकरजस्ता मुख्य उपकरणहरु निर्माणस्थलमा ल्याइसकिएका केही उपकरण बाढीले बगाएको छ । केही डुबानमा परेका छन् ।
आगामी पुसभित्र सञ्चालनमा ल्याउने गरी निर्माण भइरहेको सबस्टेसनमा जडान गर्न राखिएका केही उपकरण समेत बाढीमा बगेको नेपाल विद्युत प्राधिकरणका कार्यकारी निर्देशक कुलमान घिसिङले बताए । उनका अनुसार केही उपकरण बाढीमा डुबेका छन् । जडानका लागि ट्रन्सफर्मर,रियाक्टर सर्किट ब्रेकर लगाएत निर्माणस्थलमा ल्याइसकिएका मुख्य उपकरणहरुमा बाढीले क्षति पुर्याएको छ ।
‘बाढीले सबस्टेसन जलमग्न छ । जडानका लागि राखेका उपकरण पनि बाढीमा बगेका छन्,’ उनले भने, ‘सबस्टेसन आयोजनाको कार्यालय भवनमा समेत पानी भरिएको छ ।’ उनले अहिले खोला नै सबस्टेसनबाट बगिरहेको बताए । सबस्टेसन नै तालमा परिणत भएकाले अहिले नै क्षतिको विवरण आइनसकेको पनि घिसिङले बताए ।
सबस्टेसनमा कार्यरत प्राधिकरणका कर्मचारी तथा कामदारलाई सुरक्षित स्थानमा सारिएको छ । दुवै सबस्टेसनको सिभिलतर्फको अधिकांश निर्माण पूरा भइसकेको थियो । दुवै सबस्टेसन आगामी पुसभित्र सम्पन्न गर्ने लक्ष्य छ ।
.jpg)
