ऊर्जा खबर
काठमाडौँ । नेपाल प्रहरी र सशस्त्र प्रहरी बलले सञ्चालन गरेका पेट्रोलपम्प चौबीसै घण्टा खुला गरिएको छ । गृहमन्त्री रवि लामिछानेको निर्देशनपछि बुधबारदेखि प्रहरीले चलाएका पेट्रोल पम्प चौबीसै घण्टा खुला गर्न थालेका हुन् ।
नेपाल प्रहरीले प्रधान कार्यालय नक्सालमा र सशस्त्र प्रहरी बलले प्रधान कार्यालय हल्चोक र पोखरामा पेट्रोल पम्प सञ्चालन गरिरहेका छन् ।
उपप्रधान एवं गृहमन्त्री रवि लामिछानेको निर्देशनपछि पेट्रोल पम्प २४ सै घण्टा खुला गरिएको गृह मन्त्रालयले जनाएको छ ।
