ऊर्जा खबर
काठमाडौं । भारतको इन्डियन आयाल कर्पोरेसन (आईओसी) ले साउन १६ गते (सोमबार) पेट्रोल, डिजेल मूल्य घटाएर पठाएको छ । गत असार ३१ गतेमात्र घटाएर पठाएकाे आईओसीले २ सातामै फेरी घटाएर पठाएकाे हाे ।
आईओसीले पठाएको मुल्य अनुसार पेट्रोलमा प्रतिलिटर १२.४५ रुपैयाँ र डिजेल प्रतिलिटर १६.८० रुपैयाँ घटाएर पठाएको निगमले जनाएको छ । हवाई इन्धन (आन्तरिक र वाह्या) एल.पी ग्यास को मूल्यमा भने थपघट भएको छैन् ।
आइओसीले गत असार ३२ गते पनि पेट्रोलियम पदार्थको मूल्य घटाएर पठाएको थियो । पेट्रोलमा प्रतिलिटर १५.९२ रुपैयाँ र डिजेल÷मटिट्तेलमा प्रतिलिटर १६.६९ रुपैयाँ घटाएर पठाएको थियो ।
यसरी खरिद मुल्य घटाएर पठाउँदा पनि निगमलाई १५ दिनमा करिब २ अर्ब १६ करोड रुपैयाँ घाटा हुने भन्दै बिक्री मूल्य घटाएको थिएन । हाल पेट्रोलियम पदार्थ प्रतिलिटर १८१, डिजेल÷मटिट्तेल १७२, हवाई इन्धन आन्तरिक १९०, हवाई इन्धन बाह्य १ डलर, र एल.पी. ग्यास १८०० मा बिक्री भइरहेको छ ।
भारतीय आयल कर्पोरेसन आइओसीले बक्यौता तिर्न सरकारले नेपाल आयल निगमलाई ८ अर्ब रुपैयाँ ऋण दिने भएको छ । सरकारले ऋण तिर्ने सिमा ५ वर्ष राखेर निगमलाई रकम उपलब्ध गराउने भएको छ ।
राष्ट्रिय बाणिज्य बैंकसँग पनि करिब ३ अर्ब रुपैयाँ ऋण दिने प्रक्रिया अघि बढाएको निगमले जनाएको छ । यस्ले आइओसीलाई भुक्तानी गर्न केही सहज हुनेछ ।
