ऊर्जा खबर
काठमाडौं । नेपाल विद्युत प्राधिकरणका उच्च क्षमताका २७ सबस्टेसन निर्माणाधीन छन् । प्राधिकरणले विद्युतको प्रसारण प्रणाली सुधार तथा गुणस्तरीय विद्युत सेवा दिन विभिन्न प्रसारण लाइन आयोजना अन्तर्गत नयाँ सबस्टेसन निर्माण गरिरहेको हो ।
देशको विद्युत प्रणाली सुधार गर्न विभिन्न ठाउँमा उच्च क्षमताका २७ ग्रीड सबस्टेसन निर्माणाधीन रहेको प्राधिकरणले जनाएको छ । जसमा १३२ केभी, ४०० केभी र २२० केभी क्षमता छन् ।
४०० केभी क्षमताका २ सबस्टेसन, २२० केभी क्षमताका १० सबस्टेसन, १३२ केभी क्षमताका १५ सबस्टेसन निर्माणाधीन रहेको प्राधिकरणले जनाएको छ । ४०० केभी क्षमताका हेटौडा–ढल्केबार–इनरुवा लाइन अन्तर्गत हेटौडा र इनरुवा सबस्टेसन निर्माणाधीन छन् ।
२२० केभी क्षमताका चिलिमे, त्रिशुली ३ बी हब, न्यू खिम्ती, तुम्लिङटार, बानेश्वर, बसन्तपुर, हेटौडा, इनरुवा, सितपाटी, धरान सबस्टेसन निर्माणाधीन रहेको प्राधिकरणको तथ्याङ्कमा छ ।
इस्तै, १३२ केभी क्षमताका कुशहा, किर्तीपुर, मैनहिया, बुर्तिभाङ, पौडी आरमै, तामघास, विराटनगर, सुनवाल, ढुङ्गेसाँघु, लोहरपट्टि, रिडी, सालिमपुर, बालगंगा हाकुइ, मलेखु सबस्टेसन निर्माणाधीन रहेको प्राधिकरणको ‘प्रसारण÷आयोजना व्यवस्थापन निर्देशनालय’ पुस्तकमा उल्लेख छ ।
.jpg)
.jpg){kind=spacer}
