नबिल कार्ड प्रयोगकर्ताहरूलाई हवाई टिकटमा १० प्रतिशत छुट पाउने

काठमाडौं । नबिल बैंक र कतार एयरवेजबीच सम्झौता भएको छ । बैंक र एयवरबेजबीच बैंकका कार्ड प्रयोगकर्ताहरूलाई विशेष सुविधाप्रदान गर्न सम्झौता भएको हो ।

सम्झौतापत्रमा बैंकका प्रमुख कार्यकारी अधिकृत अनिल केशरी शाह र कतार एयरवेजका बंगलादेश तथा नेपालका कन्ट्री म्यानेजर मोहम्मद एल इमामका तर्फबाट सेल्स म्यानेजर सारिक बोगटीले हस्ताक्षर गरे । सम्झौता अनुसार बैंकका कार्ड प्रयोगकर्ताहरूले युरोप, अमेरिका र अफ्रिकाका चुनिएका गन्तव्यहरूको हवाई टिकट खरिद गर्दा १०% छुट पाउनेछन् । यो छुट असार १७ गते देखी लागु हुनेछ ।

सम्झौता अन्र्तगत व्यापार र अर्थ व्यवस्था कक्षको हवाई टिकटमा १० प्रतिशत छुट हुनेछ । यसका लागि बैंकका कार्ड प्रयोगकर्ताहरूले कतार एयरवेजका प्रतिनिधिहरूलाई आफ्नो नबिल बैंकको कार्ड पेश गर्नुपर्नेहुन्छ ।

कतार एयरवेज अन्तर्राष्ट्रिय हवाई यातायात मूल्याङ्कन संस्था, स्काईट्र्याक्सद्वारा ५ स्टार कोभिड–१९ एयरलाइन सेफ्टी रेटिङ हासिल गरेको विश्वव्यापी अन्तराष्ट्रिय हवाई सेवा हो । अन्तर्राष्ट्रिय यात्रामा कोभिड–१९ को प्रभावलाई ध्यानमा राख्दै, यो सहकार्यले हाम्रा ग्राहकहरूका लागि लाभदायक हुने बैंकका प्रमुख कार्यकारी अधिकृत अनिल केशरीले शाह बताए ।

सन् १९८४ देखि आफ्ना सम्माननीय ग्राहकहरुलाई समायनुकुल सेवा प्रदान गर्दै आएको यस बैंकको १५० शाखा, १८७ एटीएम र १५०० भन्दा बढि नबिल रेमिट एजेन्टहरु रहेका छन् ।