ऊर्जा खबर
काठमाडौं । दोर्दी जलविद्युत कम्पनीको सेयर आवेदन दिने आज अन्तिम दिन हो । कम्पनीले गत बैशाख १३ गतेदेखि खुल्ला गरेको सेयर आवेदन अवधि आज (बिहीबार) साँझ ५ बजेबाट सकिन लागेको हो ।
कम्पनीले अायाेजना प्रभावित स्थानीयका लागि सय रूपैयाँ अंकित १० करोड ५४ लाख २६ हजार रुपैयाँ बराबरको १० लाख ५४ हजार २ सय ६० कित्ता साधारण सेयर निष्कासन गरेकाे छ । कम्पनीका अनुसार लमजुङ जिल्लाको दोर्दी गाउँपालिकाका बासिन्दा (साविकको भारते, अर्चनबोट, थीमन्ज्याङ, नौचर, पाचोक, ढोडेनी, फलेनी, बन्सार र हिमेटक्सार) का लागि निष्कासन गरिएको छ ।
स्थानीयले न्यूनतम १० कित्तादेखि अधिकतम १ लाख कित्तासम्मका लागि आवेदन दिन पाउनेछन् । स्थानीयकाे सेयर निष्कासन गरी बाँडफाँड सकिएपिछ सर्वसाधारणका लागि छुट्याएकाे सेयर निष्कासन गरीने कम्पनीले जनाएकाे छ ।
कम्पनीले सेयर निष्कासन गरी बाँडफाँड गर्न सिद्धार्थ क्यापिटललाई बिक्री प्रबन्धक तोकेको छ । लमजुङको दोर्दी खोलामा निर्माणाधीन १२ मेगावाटको दोर्दी–१ जलविद्युत आयोजनाको काम अन्तिम चरणमा पुगेको छ ।
.jpg)
