ऊर्जा खबर
.jpg)
काठमाडौं । राप्ती हाइड्रो एण्ड जलनरल कन्स्ट्रक्सन कम्पनीले साधारण सेयर निष्कासन गर्ने भएको छ । कम्पनीले आयोजना प्रभावित स्थानीयका लागि छुट्याएको साधारण सेयर निष्कासन गर्न लागेको हो ।
जारी पूँजी ६१ करोड २७ लाख ९३ हजार ८ सय रुपैयाँ मध्ये १० प्रतिशतले हुन आउने ६ लाख १२ हजार ७ सय ९३ रुपैयाँ कित्ता सेयर निष्कासन गर्न लागेको कम्पनीले जनाएको छ । कम्पनीका अनुसार रुकुमको सिस्नेमा निर्माणाधीन ५ मेगावाटको रुकुमगड जलविद्युत आयोजनाले पूर्वी जिल्ला र पश्चिम जिल्लाका स्थानीयका लागि छुट्याएको साधारण सेयर निष्कासन गर्न लागिएकाे हो ।
स्थानीयले न्यूनतम १० कित्तादेखि अधिकतम ६ लाख कित्ता सम्मका लागि आवेदन दिन पाउनेछन् । कम्पनीको सेयर निष्कासन गरी बाँडफाँड गर्न मुक्तिनाथ क्यापिटललाई बिक्री प्रबन्धक तोकिएको छ ।
स्थानीयले छिटोमा असार ७ गते र ढिलोमा असार २२ गतेसम्म आवेदन दिन सक्नेछन् । आयोजनाको काम अन्तिम चरण्मा छ । आयोजना सम्पन्न गर्न १ अर्ब रुपैयाँ लागत अनुमान गरिएको छ । आयोजनामा प्राइमको अगुवाईमा सेन्चुरी र कुमारी बैंकले ७० प्रतिशत ऋण लगानी गरेका छन् । बाँकी स्वपुँजी छ ।
