ऊर्जा खबर
काठमाडौं । लमजुङमा ६ मेगावाटका दुई जलविद्युत आयोजना निर्माण गरी सञ्चालनमा ल्याएको छ्याङ्दी हाइड्रो पावर लिमिटेडले १ः१ को अनुपातमा हकप्रद सेयर निष्कासन गर्ने भएको छ । कम्पनीले चुक्ता पूँजीको १०० प्रतिशत हकप्रद सेयर निष्कासन गर्ने लागेको हो ।
कम्पनीको आठौं वार्षिक साधारण्सभाबाट निर्णय भए बमोजिमको ४० प्रतिशत हकप्रद सेयर सम्बन्धि निर्णय रद्द गरी चुक्ता पूँजीको १ सय प्रतिशत सेयर निष्कासन गर्ने तयारी गरेको कम्पनीले जनाएको छ । कम्पनीका अनुसार चुक्ता पूँजी ३८ करोड ६९ लाख ७७ हजार ५ सय रुपैयाँको १ सय प्रतिशत हकप्रद सेयर निष्कासन गर्न लागिएको हो ।
कम्पनीले हकप्रद सेयर निष्कासन प्रस्ताव पारित गर्न बैशाख ८ गते साधारणसभा बोलाएको छ । सभाले पारित गरेपछि हकप्रद सेयर निष्कासन गरी बाँडफाँड गरिनेछ ।
कम्पनीको ६ मेगावाटको २ जलविद्युत आयोजनाले विद्युत उत्पादन गरिरहेका छन् । ४ मेगावाटको माथिल्लो छ्याङदीले गत मंसिर २४ गतेदेखि व्यापारीक उत्पादन सुरु गरेको हो । २ मेगावाटको छ्याङदी खोला सानाले लामो समयदेखि विद्युत उत्पादन गरिरहेको छ ।
.jpg)