ऊर्जा खबर
काठमाडौँ । नार खोला हाइड्रो इनर्जीले मनाङमा ५८.९ मेगावाटको नार खोला आंशिक जलविद्युत् आयोजना निर्माण गर्ने भएको छ । जिल्लाको चामे, नार्पाभूमि, नासोँ र मनाङ ङिस्याङ गाँउपालिकामा अवस्थित नार खोला र सोती खोलाको पानी उपयोग गरेर कम्पनीले सो आयोजना निर्माण गर्न लागेको हो ।
आयोजनाबाट वार्षिक सरदर ३४१.२८ गिगावाट घन्टा विद्युत् उत्पादन हुने र आयोजनाबाट उत्पादन हुने विद्युत् ६ किलोमिटर लामो प्रसारण लाईन मार्फत धारापानी जलविद्युत् सवस्टेसनबाट राष्ट्रिय प्रसारण लाइनमा प्रवाह गरिनेछ ।
आयोजनाको सम्पूर्ण संरचनाहरू नार खोलाको बायाँ किनारमा रहने छन् । आयोजनाबाट २०८५ कार्तिकसम्म विद्युत् उत्पादन गर्ने लक्ष्य राखिएको छ ।
